80 да 55 тӱжем теҥге дене

Кугу Отечественный сарын ветеранже-влаклан 80 тӱжем теҥге дене тӱлымӧ шотышто пунчал лектын.

Тушто фронтовик да нунын пелашышт, тыгак концлагерьлаште лийше, тылыште тыршыше-влак нерген ойлалтеш. Сар годым противовоздушный обороно объектлаште пашам ыштыше, аралыше сооружений-влакым чоҥышо тылын труженикше-шамыч 55 тӱжем теҥгем налыт. Тыгак В.Путин чыла ветеранлан илыме олаштын, муниципалитетыштын але кундемыштын почётан гражданинже лӱмым пуымо дене келшен.

Фотом «Кугарня» газетын архивше гыч налме.