🌷 Марий Элыште илыше пагалыме ӱдырамаш-влак!
Алал кумылын тендам Ӱдырамаш-влакын тӱнямбал кечышт дене саламлем!
Шошо толмым шижтарыше ты пайремым поснак вучена. Вет ты кечын илышнам йӧратымашышт дене волгалтарыше, пушкыдо кумылан да мемнан верч эреак тургыжланыше еҥ-шамычлан таумутнам ойлаш вашкена.
Кеч-кунам да кеч-могай жапыште ӱдырамаш-влак ешын шокшыжым аралыше, тӱрлӧ пашалан кумылаҥдыше, мер да профессионал илышыште чолгалык дене ойыртемалтше лийыныт да улыт. Тендан мудреч улмыда, чытымашда, пашам йӧратымыда сай лектышыш шуаш полшат да молошамычым тидлан таратат.
Ты сылне кечын тыланда пеҥгыде тазалыкым, чон ласкалыкым, лишыл еҥда-шамыч деч тӱткышым да азапланымашым, ятыр сай шомакым да куанле кумылым тыланем! Тек тендан илышда ятыр сай татлан поян лиеш, кечмогай тӱҥалме пашаштыда сеҥымаш вуча.
Лийза пиалан да йӧратыме!
✍ Марий Элым Вуйлатыше Ю.В.ЗАЙЦЕВ.