Йошкар-Олаште 2027 ийыште тӱзатышаш икмыняр кумдыкым ойыреныт
Олаште илыше-влак «Формирование комфортной городской среды» федеральный проектын «Инфраструктура для жизни» нацпроектше дене келшышын, олам тӱзатыме шотышто 25 темлымашым ыштеныт.
Мер комиссий чыла инициативым сайын шымлен да 2027 ийыште тӱзаташ 6 мер кумдыкым ойырен налын, палемда мэрын пашажым жаплан шуктышо Антон Трудинов:
- Никонов лӱмеш площадь;
- Воин-десантник-влакын скверышт;
- Зоя Космодемьянская уремын чётный могырыштыжо тротуар (130-шо ден 132-шо №-ан пӧрт-влак кокласе корно гыч Иверский Юмынаван юмоҥажын храмже марте);
- Карл Маркс уремысе 101а ден 103-шо №-ан пӧрт-влак дене мер кундем да йолын коштмо Парковый (Вантовый) кӱвар;
- Пӱнчер ото мер кумдык (Сталинград кредалмашын Геройжо-влак уремысе 100-шо №-ан пӧрт гыч «лӱмдымӧ пашма» марте;
- Машиностроитель уремын чётный могырыштыжо тротуар (Садовый урем гыч Строитель урем марте).
Всероссийский рейтинг йӱклымаш 21 апрель гыч 12 июнь марте эрта. Лач тудын иктешлымашыже эн ончычак могай объектым тӱзатымым рашемда. Йӱклымашке 14 ияш деч кугурак олаште илыше чыла еҥ ушнен кертеш.