2018 ий 15 майыште Россий ден Крымым ушышо кӱварым официально пайремлын почыныт. Тушко Россий Президент Владимир Путин ушнен. Владимир Владимирович ты кӱвар дене эн ончыч КамАЗ-ше дене грузовик-влак колонным виктарен. Автомашина-шамычлан кудалышташышт корным 16 майыште почмо.
Крымысе кӱвар Российыште ик эн кугулан шотлалтеш. Тудын кужытшо 19 меҥгыш шуэш. Кӱварым чоҥымаште элнан 220 наре предприятийже, 10 тӱжем наре пашаеҥ, 30 утла мостоотряд тыршен.