Марий Эл Республикысе МВД-ын ГИБДД пашаеҥже-влак 32 ияш пӧръеҥым кученыт. Тудо 1,5 тылзе жапыште скоростьым кугемдыме шотышто корно правилым 41 гана пудыртен.
ГИБДД пашаеҥ-влак Йошкар-Олаште иномарке машинам документым тергаш шогалтеныт. Август кыдалне автомашинам налмеке, водитель тудым ГИБДД-ыш учётыш шогалтен огыл да машинан тошто озажын госномерже денак кудалыштын. Автоинспектор-влакын палемдымышт почеш, корно правилым пудыртымылан 50 наре тӱжем теҥгеаш штраф погынен. ГИБДД пашаеҥ-влак машина гыч регистрационный знакым кораҥденыт, пӧръеҥлан лишыл жапыште шке машинам учётыш шогалтыман.