12 декабрьыште Марий Элым Вуйлатыше Ю.В.Зайцев «Звениговский» СПК-н вуйлатышыже И.И.Казанковлан тауштымашым кучыктен.
«Звениговский» озанлыкыште тӱжем утла еҥ тырша. Таче тудо кундемыштына сай качестван шуко сатум калыклан ямдыла. Тидыже кундемнан экономикыжым вияҥдымаште сай полышым ышта. Иван Казанков 50 ийым кундемнан ялозанлык сомылжым нӧлтымылан пӧлеклен. Тушечын 42 ийжым предприятийыште ышта.