«Герои Марий Эл. Талешке-влак» кадр-влакым ямдылыме программын кумшо этапше спецоперацийын ветеранже-влакым тестироватлыме гыч тӱҥалын.
Тиде арнян нуным кугу программе вуча: командообразований, управленческий вий-куатым почын пуымо шотышто лекций-влак. Участник-влак «Сосновый бор» санаторийыште илаш тӱҥалыт, туштак занятий-шамычын ужашышт эрта, увертарен Марий Элым Вуйлатыше Юрий Зайцев.
Эрла герой-влак Советский районыш каят, тушто муниципальный образований-влакын советыштын пашажым, верысе самоуправленийын принципше-влакым практикыште шымлат да кадет-влаклан патырлык урокым эртарат.