Январьыште шошымсо гай леве ыле гын, ала февральже чынак теле тылзе гай лиеш. Игечым айста ончалына.
3 февральыште ӱжара ояр гын, йӱштым вучыман.
4 февральыште кечывалым кече коеш гын, шошо эр толшаш.
5 февральыште эрдене киса мура гын, игече йӱкшемдышаш.
6 февральыште игече могай шога, шошо тугаяк лийшаш.
7 февральыште кечывал марте могай игече шоген, вес телын икымше пелыже тугай лийшаш, маныныт, а кечывал гыч кас марте – кокымшо пелыжлан келшыше.
8 февральыште кечан да тымык гын, шошо леве лийшаш, да эр толшаш.
9 февральыште пыл-шамыч мардеж ваштареш каят – луман игечылан.
Л.Санникован фотожо.