4 августышто эр тӱтыра ояр да кукшо игечым сӧра.
5 августышто кавадӱрыштӧ пыстыл гай пыл кудыргыл лектеш –игече йӱкшемдышаш, тыгак лишыл кечылаште кӱдырчан йӱрым вучыман.
6 августышто чывиге-шамыч чыве деке пызнен шинчат – кужу жап йӱр лийшаш.
7 августышто кечывал марте игече могай – декабрь марте теле тугай лийшаш, а кечывал деч вара игече декабрь деч вара телын могай лийшашыжым ончыктышаш.
8 августышто вараксим-шамыч вӱд ӱмбалне чоҥештылыт – йӱрлан.
9 августышто чыве-шамыч шудышто чот пургедыт — игече сай лийшаш.
10 августышто мардеж деч посна йӱр йӱреш гын, игече кужу жаплан локтылалтшаш.