1 июньышто тӱҥалше йӱштылмӧ тургымлан Марий Элыште 36 пляжым ямдылышаш улыт, нунын коклаште 17-ше – муниципальный, палдара Роспотребнадзорын Марий Элысе управленийже.
Законлан келшышын, санитарно-эпидемиологический заключений деч вара гына пляж пашам ыштен кертеш. А тидлан вӱдым, серысе ошмам шымлыман. Тылеч посна кажне тылзын вӱдын качествыжым, мландым да ошмам тергаш тӱҥалыт. Пляжыште вургемым вашталтен чияш кабинке, шондан, урно-влак лийшаш улыт, да кумдыкым кечеш ик гана эрыктыман.