31 мартыште шӱдыр-шамыч молгунамсе гай кугун огыт кой – йӱрлан.
1 апрельыште леве да ояр кече кукшо да мардежан кеҥежым сӧра.
2 апрельыште шулышо вӱд шып кая гын, шудо удан шочшаш.
3 апрельыште вӱд ӱмбалне але ий каен пытен огыл гын, шошым кол сайын ок чӱҥгӧ.
4 апрельыште кава вудакан коеш – игече локтылалтшаш.
5 апрельыште куэвӱд чот йога гын, кеҥеж йӱран лийшаш.
6 апрельыште турий мура гын – шокшылан, пембе (зяблик) мура – йӱкшемдымылан.