ГигаЧат Российысе да СНГ элласе калык-влакын 30 утла йылмыштым тунем шуын
2026 ий, 10 апрель, Моско
Уэмдыме ГигаЧат ИИ-полышкалыше Российысе да СНГ элласе 30 утла калык йылман текст умылымашын да ыштымашын качествыжым саемден. Нунын радамыште татар, пошкырт, чуваш, одо, якут, бурят, осетин, чечен, кабардин-черкес да молат улыт. Кажне йылмым шыҥдарымаш модель саемдымашым йодын – вашмутын качествыже ойырен налме туныктымо данный-влак кӱшеш шукталтын. Тӱнямбал йылме-влакым шотыш налын, ГигаЧат чылаже 40 утла йылме дене задачым шуктен кертеш.
ИИ-полышкалышым туныкташ манын, уверым погымо шотышто «Дом народов России» ФГБУ да «Рувики» интернет-энциклопедий партнёр лийыныт, тыгак регионысо шанче академий, шанче ден туныктымо организаций, тыгак Российысе калык-влакын йылмышт ден тӱвыра поянлыкыштым арален кодымо аланыште пашам ыштыше коммерцийдыме фонд-влак ушненыт.
Калыкле йылме-влаклан полышым текст форматыште пуымо. ГигаЧатым кӱлеш йылме дене вашешташ йодмо сита: пайдаланыше могай йылме дене йодеш – ИИ-полышкалыше тугай йылмым кучылташ тӱҥалеш. ИИ-полышкалыше дене пайдаланыше-влак цифровой сервислаште вашмутым, консультацийым да полышым шочмо йылмышт дене налын кертыт: информацийым кычалме да тунеммаште полышкалыме гыч тӱҥалын, текст ден йодмашым ямдылыме да кугыжаныш орган дене кылым ыштыме марте. Шочмо йылмым кучылтын, ИИ дене мутланыме йӧн сервис-влак дене шочмо йылме гоч пайдаланыше кугурак тукымланат, цифровой кумдыкым ИИ-полышкалыше-влак гоч тунемше кушкын толшо тукымланат кӱлешан. Тыгай йӧн тукым кокласе кылым пеҥгыдемдаш, тӱвыра да историй шарнымашым арален кодаш полша. Да туныктымаш, тӱвыра, туризм, медиа да экономикын моло аланыштыже национальный йылме дене сервис ден продуктым ончыкыжым вияҥдаш негызым ышта.
Йылме модельым кузе туныктеныт
Шуко калык йылме цифровой кумдыкышто шагал ончыкталтын, сандене Сбер ятыр федеральный да регионысо партнёр-влак дене пашам ышта: шочмо йылме дене йылме поянлыкым цифроватлаш да ИИ-сервис-влакым вияҥдаш кумылан университет, книгагудо, медиа да тӱвыра институт, регионысо ассоциаций, фонд да шанче академий-влак дене кылым куча. Модельым туныкташ кӱлшӧ йылме данный-влакым лач нуно погаш да верифицироватлаш полшат. Йылме дене кутырышо-влакат качествым палемдымашке да аклымашке ушнат: модельын вашмутшын чын улмыжым, грамматикым, стилистикым да кутырымашлан келшен толмыжым тергат.
Кажне йылме дене туныктымо набор икмыняр шӱдӧ тӱжем гыч икмыняр миллион документ марте лийын. Тиде образовательный учреждений ден книгагудо-влакын фондышт гыч архив да кызытсе текст-влак, медиапартнер-влакын увер ден публицистике материалышт, тыгак тунемме да шанче текст-влак. Тӱрлӧ вер гыч налмылан кӧра вашмут качестве саемеш, тыгак сылнымут да кутырымо йылме-влак авалтыт. Команде тыгак национальный йылме-влакым обрабатыватлыме алгоритм-влакым оптимизироватлен, тидыже тунеммашын эффективностьым палынак кугемден. Компактный датасет улмо дене тыгай йӧн вашмутын качествыжын саемдымашке шуаш кӱлешан йӧным ыштен.
Антон Фролов, Сберын кугурак вице-президентше, «Генеративный ИИ-м вияҥдымаш» блокым вуйлатыше:
«ГигаЧатым чынжымак тӱшкалан йӧрышӧ продуктым ыштынена – тудын дене элыштына илыше кажне еҥ пайдаланен кертше. Российыште 270 утла йылме ден диалектым кучылтыт, да ме шкенан ончылан задачым шындена: шукырак еҥ мемнан ИИ-полышкалышына дене шочмо йылмышт дене мутланен кертышт. Кунам айдеме задачым шке мутшо дене, тудын шонымо да шижме йылмыже дене умылтарен кертеш, ИИ-полышкалыше тыглай илышыште чынжымак пайдале ӱзгар лиеш: я йочалан тунеммаште, я юридический договорым лончылымаште, я у техникым келыштарыме шотышто инструкцийыште».
ГигаЧат генеративный модельым российысе специалист-влак нимо уке гыч ыштеныт: данныйым погымаш да палемдымаш гыч базовый туныктымаш марте, посна задачылан туныктымаш да качествылан иктешлыше оценкым шындымешке. Чыла разработко этап Сберын шке инфраструктурыштыжо ышталтын.
Сбер тиддеч ончыч ГигаЧат Ультра (GigaChat Ultra) флагман модель негызеш ИИ-полышкалышын у версийжым ончыктен. Тӱҥ у шыҥдарымаш — кужу жап шарныш: кажне диалог мучаште йомшо контекст шарныш дене таҥастарымаште, ГигаЧат пайдаланышылан сессий коклаште фактым арала да вара нуным кажне мутланымаште шотыш налеш. Модель шӱмаҥмашым, профессийым, предпочтенийым да лишыл еҥ-влак нерген информацийым шарнен кодеш — да кӱлешан факт-влакым гына шкевуя ойырен налеш, шарнышеш кырча-марчам ок пого. Тидыже вашмут-влакым утларак персонализированныйым да рашым ышта. ИИ-полышкалыше ынде шке умыла, кунам интернетыште информацийым муаш кӱлеш, а вашмут генерацийын писылыкшым кок пачаш кугемдыме.
Уэмдыме модельым веб-версийыште, Android-ын RuStore да AppGallery приложенийлаште, тыгак мессенджерлаште яра кучылтын ончаш лиеш. Йӱк режимым да шарнышым чӱкташ манын, Сбер ID дене авторизацийым эртыман да профильым келыштарымаште кӱлеш опцийым чӱктыман.
# # #
Пресс-службо: media@sberbank.ru
СБЕРБАНК ПАО — Российыште ик эн кугу банк да глобал финанс институт-влак кокла гыч иктыже. Российысе уло банк секторын активжын кумшо ужашыже Сбербанкын улеш. Сбербанк национальный экономикын тӱҥ кредиторжылан шотлалтеш да вклад рынкыште ик эн кугу верым айла. Сбербанк ПАО-н тӱҥ акционержылан Россий Федерацийын Финанс министерствыже шотлалтеш, тудын кидыштыже Сбербанк ПАО-н уставной капиталжын 50% плюс 1 йӱклышӧ акций. Банкын уставной капиталже деч кодшо 50% минус 1 йӱклышӧ акцийым Российысе да тӱнямбал инвестор-влак кучат. Банк операцийым ышташлан 11.08.2015 деч 1481 номеран Российысе Банкын генеральный лицензийже. Банкын официал сайтше-влак: www.sberbank.com (Сбербанк Группын сайтше), www.sberbank.ru.