Республикнан тӱрлӧ кундемыштыже «Подростко-йӱд» рейд эртаралтын. Тыгодым ийготыш шудымо ӱдыр-рвезе-шамыч коклаште комендантский шагатым эскереныт.
Тидлан ийготыш шудымо икшыве-влак дене паша шотышто инспектор, полиций пашаеҥ да моло уполномоченный специалист-шамыч йӱдым тӱшка верлаш лектыныт, тыгак йоча-влак дене профилактике сынан мутланымашым эртареныт. Рейд годым ача-ава деч посна йӱдым уремыште перныл коштшо 25 подросткым кученыт. Нунын ача-аваштым икшывыштын комендантский шагатым пудыртымыштлан административно мут кучаш шогалтеныт.
Ушештарена, 18 ийыш шудымо икшыве-влак 1 июнь гыч 31 август марте 23 шагат кас гыч 5 шагат эр марте ача-ава деч посна уремыште коштын огыт керт.