Пургыж тылзым ынде ӱярня тылзе алмашта, шошо эркын-эркын телым поктен колташ тыршаш тӱҥалеш. Калык пале-влак почеш тиде арня могай лийшаш? Айста ончалына.
24 февральыште йӱштыштӧ чодыра лӱшкаш тӱҥалеш – вашке игече левыктышаш.
25 февральыште чыла пӧршаҥеш – ояр игечым вучыман.
26 февральыште шулыкташ тӱҥалеш гын, шошо рӱж толшаш, а кече йӱштӧ да пылан гын, йӱштӧ шошым вучыман.
27 февральыште пылаҥда гын, игечат пужлышаш.
28 февральыште тӱрволакыште кугу ийсӱс-шамыч кечат гын, шошо кужу лийшаш.
1 мартыште игече ояр да леве лиеш гын, шошат тугай лийшаш, лум лумеш гын, шурно сай шочшаш, леве мардеж – йӱран кеҥежлан, а йӱштӧ мардеж юалге кеҥежым шижтарышаш.
2 мартыште кечывалвел гыч кайык-влак пӧртылаш тӱҥалыт гын, эр шошылан.