2022 ий да волгыдо Рошто пайрем дене!

Фотом yandex.ru/images сайт гыч налме.

Марий Элыште илыше пагалыме еҥ-влак!

Марий Эл Республикын Кугыжаныш Погынжо лӱм дене тендам шушаш 2022 ий да волгыдо Рошто пайрем дене саламлем!

У ий пайрем-влак ик эн йӧратыме да вучымо улыт. Нуно пеленышт сай вашталтышлан ӱшаным кондат, лишыл еҥна да йолташна-влак дене вашлийме куаным пӧлеклат, кажне ешым иктыш чумырат.

Шагатын перымыжым вучымо годым эртыше идалыкын эн волгыдо татше-влакым тауштен шарналтена, вет вашке тудо ик историйын ужашыже лиеш.
2021 ий куштылго огыл лийын. Пандемий мемнан пеҥгыдылыкнам терген. Но пырля ме чыла нелылыкым сеҥен кертынна. Республикна ончыко вияҥын. Мер илышын тӱрлӧ аланыштыже кӱлешан законвлакым приниматлыме. Марий Элын бюджетше социальный корныжым арален коден. Нацпроект ден региональный программе-влакым илышыш чот шыҥдарыме. Илыме вер ден корно-влакым ыштыме, йочасад, школ, ФАП-влак почылтыныт, ола ден села-влакым тӱзаҥдыме. Марий Эл Республикын сеҥымашыже-влак – шочмо кундемыштым уло чон дене йӧратыше еҥ-влакын тыршен ыштымыштын надырышт.

Кугыжаныш Погынын депутатше-влак лӱм дене ӱшанымыдалан да полшымыдалан, чолга улмыдалан да гражданский отвественностьдалан, Марий Элым да Российым тӱзатымашке надырым пыштымыдалан таум ойлем.

2022 ий тек чыла поро шонымашдам шукта, лектышан лиеш да тендам у сеҥымаш-влак дене куандара.

Тек кажне суртыш У ий йӱдын юзо вийже дене тыныслык, порылык да улан илыш толыт.

Чылалан пеҥгыде тазалыкым тыланем. У 2022 ий дене!

Марий Эл Республикын Кугыжаныш Погынжын председательже
А.В.СМИРНОВ.