Йошкар-Олаште Киров урем гыч Петров урем марте шуйнышо уэмдыме Ураев бульварым да Петров уремым торжественно почмо.
Кок уремым Марий Эл Республикым социально-экономически вияҥден толмо индивидуальный программе почеш ыштыме. Подрядчик-влак ты пашам кодшо ийын тӱҥалыныт. Тиде жапыште машина кудалме ужашым веле огыл, тыгак тротуар-влакым шотыш кондымо. Кызыт асфальтым шарыме, дренаж системым вераҥдыме, кугу йӱр вӱдлан канализацийым, очистной сооруженийым ыштыме. Тиде проектым илышыш пурташ 490 млн теҥгем кучылтмо.