1500 верым яра пуэныт

ИНТЕРНЕТ ГЫЧ НАЛМЕ СӱРЕТ.

Пенсий фондын республикысе пӧлкажын увертарымыж почеш, Марий Элыште начар тазалыкан 1500 еҥлан машинам яра парковатлаш правам пуэныт.

Тыгай йӧн дене пайдаланаш манын, автомашинам инвалид-влакын федеральный реестрыштышт регистрироватлыман. Йодмашым реестрын сайтыштыже але Госуслуги порталыште кодаш лиеш.

Реестрыш йодмашым кодаш машинан маркыжым, номержым да могай кечын мыняр жаплан вер кӱлмым, палемдыман. Тыгак инвалидностьым пеҥгыдемдыше да льготым пуышо кагаз-влак лийшаш улыт.