Йӧратыше-влаклан кӧра тӱняна ила. Калык шукемеш. Илышна саемеш, тӱзлана. Йӧратыше-влакын кечышт кузе лекме нерген, шукынжо палат. Тудын нерген угыч ушештараш, кӱлешыже уке, манын шонем. Кызытсе умылымаш дене, мутат уке йӧратыше-влак икте-весыштлан чӱчкыдын ласка шомаклам ойлышаш улыт. Нунын коклаште ваш-ваш пагалымаш эн кугу верым налшаш. Шупшалалтме, ӧндалалтме тат нергенат мондыман огыл. Чон почын йӧратен модын-воштылмо дене мужыр деч таза да ушан икшыве-влак шочыт. Тидымат чылан гаяк палат. Йоратымаш ожсо да кызытсе жапла дене таҥастарымаште чот эмансипироватлалтын. Мутлан, уремыште самырык мужыр калык ончылно шупшалалт шогаш тӱҥалеш гынат, тидлан нигӧ ок ӧр. А вот изиш ожнырак, иктаж 50-60 ий ий ончыч каче денӱдыр, вате дене марий тыгай койышым пагален огыл. Утылан шотлен. Туге гынат йӧратыма ш лийын. Шуко еш-влак изи огыл, 4-5 икшыван лийыныт. 8-10 йочанат яллаште чӱчкыдын вашлиялтыныт. Икманаш, уто мут лукде йӧртеныт, пагаленыт, очыни ласка шомак-влакымат йӧратымыштлан ойленыт. Илышыште, йӧратымаште, можыч тыге лийшаш.
