2021-2022 тунемме ийыште республикыште 253 общеобразовательный организаций пашам ышташ тӱҥалеш.
Нунын кокла гыч – 21 кугыжаныш организаций, 228 муниципальный да 2 частный. 1 сентябрьыште 85532 йоча парт коклаш шинчеш, 9900 ӱдыр-рвезе икымше классыш каят.
221 школышто ик сменыште тунемаш тӱҥалыт, 32 школышто кок смене дене туныктат.
Кызыт школлаште дезинфицироватлыме да мушмо средствам, антисептикым,
маске, перчатке-влакым наледат. Медосмотрым да гигиене шотышто аттестацийым чыла пашаеҥ эртен. Школысо пищеблоклаште кӱлеш оборудований, арвер, инвентарь, кӱмыжсовла улыт.