Тыгай аланым (тудым рушла «Сказка заповедного леса» манын лӱмдымӧ) февральыште «Кугу Какшан» заповедникыште (Килемар район Шаптӹнг ял воктене) почыт.
«Саклыме аланын йомакше» верым кодшо ийын шошымак ышташ тӱҥалме. Тысе «Марий чодыран йомакше» экологий корнышто еҥ-влак марий калыкын йомакше, легендыже дене палыме лийын кертыт.
А кеҥежым эше ныл тематический корным ышташ палемдыме. Тушто организатор-влак ты саклыме аланысе шудо-влак нерген палдарат, шонымашым шуктышо пушеҥгым келыштарат. Тылеч посна ик верым «Птичья столовая» манме, весыжым — «Отель для насекомых». Мо дене чыла тиде сымыстара гын?.. Ынде кеҥежым веле вучена да Килемар районысо юзо чодыраш кудалаш шонымаш дене илаш тӱҥалына. Келшеда?!