4 августышто Йошкар-Оласе «Башня» тӱвыра ончер рӱдерыште у арт-проект дене палдареныт.
Ирина Садовина ден Юлия Ермакова Сергей Чавайнын «Ото» почеламутшо негызеш «О-О» вуймутан книгам пырля луктыныт.
Ирина кусарыше семын палыме. Тудо С.Чавайнын почеламутшым, шке семынже умылен, творчески кусарен. Юлия – Йошкар-Оласе художественный училищын выпускницыже, каллиграф. Тудо, чапбук але самиздат форматым кучылтын, акварель чия дене кажне лаштыкым сӧрастарен. Книга эскизым ончер семын калык ончыко луктын.
Поэзий касыште у книгам, шке возымым лудыныт, автор-влак дене мутланаш йӧн лийын.