11 августышто кава ояр гын, куван кеҥеж кукшо да шурно лектышан лийшаш.
12 августышто пызлыгичке шуко – йӱран шыжылан да эр, йӱштӧ телылан.
13 августышто чыве-шамыч чыве вӱта деч тораште коштыт гын, игече локтылалтшаш.
14 августышто игече могай шога – 28 августыштат тугаяк лийшаш.
15 августышто могай игече лиеш – сентябрь мучко тугаяк шогышаш.
16 августышто йӱр тӱҥалеш гын, шым арня гыч гына пытышаш.
17 августышто вольык южым ӱпшынчеш але ончыл йолжым нула – йӱрлан.