Волжский районысо » Москва» озанлыкыште 10 ий ончыч, тунамсе «Кугарня» газет редакцийын вуйлатышыже М.И. Матвеев дене лиймынам архивысе фото-влак шарныктат. Тунамат, тиде пагытыште лум але шагал ыле. Уремыште иктаж 15-16 градус йӱштӧ лийын. Озанлык пашаеҥ-влак фермылаште ушкалым лӱштеныт, вольыкым пукшен-йӱктеныт, механизатор-влак машинавечыште техникым олмыктеныт, эсогыл кечывал кочкышымат мастерскойышто шкак ямдыленыт. Конторысо бух. учётым ыштыше специалист-влакат цифрым шотлымо сомылым тыршен ыштеныт. Озанлык вуйлатыше Р.Григорьев, мутат уке, колхозысо уло пашам моштен виктарен гын, Корамас да воктенсе ялла гычын икшыве-влак школышто шинчымашым погеныт. Фото-влак тидын нерген кумдан каласкалат. Айста нуным, уто шомак-влакым лукде шергал лектына. Ушештарем, фото-влак тошто, историй сынан, улыт.
.