Шӧртньӧ шыжын кокымшо тылзышкыжат вончышна.
1 октябрь тӱрлӧ пайремлан поян. Мом таче пайремлена?
1 октябрь – Музыкын тӱнямбал кечыже.
Илалше-влакын тӱнямбал кечышт.
Роосийыште сухопутный войска-влакын кечышт.
90 ий ончыч Марий агропединститутым почмо; 1933 ий гыч – Н.К.Крупская лӱмеш Марий кугыжаныш пединститут; 2008 ий годсек МарГУ пелен шотлалтеш.
Ты кечынак 50 ий ожно Звенигово районысо Шемшӱргӧ ялыште библиотекым почмо.
85 ий ончыч Марий Турек район Тат-Китняште школым почмо.
75 ий ончыч Йошкар-Олаште Калык усталык рӱдерым почмо, кызыт – Калык усталык да культурканыш паша шотышто республикысе шанче-методик рӱдер.
25 ий ончыч, 1996 ий 1 октябрьыште, Йошкар-Олаште Сеҥымашын ХХХ идалыкше лӱмеш тӱвыра полатыште «Каприз» куштышо ансамбль шочын. Кызыт тудо образцовый лӱмым нумалеш.
Марий Элын калык писательже, Марий АССР тӱвыран сулло пашаеҥже, сарын ветеранже, журналист А.Ф.Красноперовын (1921-2006) шочмыжлан – 100 ий.
РСФСР-ысе калык просвещенийын отличникше, Килемарысе кыдалаш школын туныктышыжо З.В.Сычевалан — 70 ий.
Оршанке районышто Калыкым социально обслуживатлыше комплексный рӱдерын директоржо Т.А.Горшковалан — 50 ий.
Саламлена!