2026 ий 21 апрель гыч 12 июнь марте Марий Элыште «Формирование комфортной городской среды» (ФКГС) проект кышкарыште тӱзаташ объект-влакым ойырен налме шотышто всероссийский йӱклымашым эртараш палемдыме.
Кундемыштына илыше-влакым тӱзатыме объект-влак верч всероссийский йӱклымашын волонтёржо лияш ӱжыт. Тудо ий еда «Формирование комфортной городской среды» программе почеш эртаралтеш, кызыт тудо «Инфраструктура для жизни» нацпроектыш пура.
Волонтёр-влак 14 ияш деч кугурак лийшаш улыт. Чылаланат регионысо штабыште туныктат. Нуно оласе калыклан 2027 ийлан тӱзатыме проект-влакым ойырен налаш полшаш тӱҥалыт.