Российысе икмыняр кундемыште 50, 60, 70, 75 ий пырля илыше мужыр-влаклан премийым пуат.
Мутлан, Белгород областьыште шӧртньӧ сӱанлан 10 тӱжем теҥгем кучыктат, бриллиант сӱанлан (60 ий) – 15 тӱжем теҥгем, 70 ийлан – 20 тӱжем теҥгем. Тыгодым ты кундемыште 20 ий деч шагал огыл илыман. Кодшо ийын 2700 утла пелаш-юбиляр-влаклан 28,7 млн теҥгем пуымо. Тюмень областьыште тыгай выплате 2022 ий март годсек пуалтеш. Тыгак тыгай окса дене Москошто да Моско областьыште, Санкт-Петербургышто да Ленинград областьыште, Архангельск, Владимир областьлаште, Татарстан Республикыште, Хант-Манси ден Ямал-Ненец АО-лаште куандарат.