Минкультур увертара
Марий Эл Республикысе тӱвыра, печать да калык-влакын пашашт шотышто министерстве пеленысе кугыжаныш тӧнеж-влакат спецоперацийын участникше-влаклан да нунын ешыштлан ешартыш полышым пуат.
Кузе полшат:
– ты министерствын виктарыме кугыжаныш профессиональный тунемме тӧнежлаште да кыдалаш ден тӱҥ профессионал программыла дене заочно тунемше-влакым кечывал кочкышым кечеш ик гана оксам тӱлыде пукшат;
– ты министерствын шулдыр йымалныже улшо тӧнежын 5-11-ше класслаштыже тунемше да интернатыште илыше-влаклан кечывал кочкышым кечеш ик гана оксам тӱлыде пукшат;
– министерстве пеленысе кугыжаныш образовательный организацийыш да ешартыш общеобразовательный программе дене тунемаш налме годым льготышт уло;
– И.С.Палантай лӱмеш республикысе тӱвыра да сымыктыш колледжыш тунемаш пурымо годым администрацийын СВО участникын йочажым ойырен налаш праваже уло;
– Т.Евсеев лӱмеш Национальный тоштерыш, Изосымыктыш тоштерыш оксам тӱлыде пураш йӧн пуалтеш;
– Г.Константинов лӱмеш Руш академический театр, Курыкмарий драматический театр, Я.Эшпай лӱмеш Марий кугыжаныш филармоний, М.Шкетан лӱмеш Марий драмтеатр, Республикысе курчак театр У ий представленийым ончаш 3-12 ияш йочалан да тудын пелен толшо ик кугыеҥлан билетым оксам тӱлыде ойыра.