Теният Марий Элыште библиотеке-влакым уэмдат.
Лудаш, вияҥаш да усталык пашам шукташ келшыше у сынан книгагудо эше куд вере лийшаш: Йошкар-Олаште, Волжский, Звенигово, Медведево, Морко да Юрино районлаште. 2006 ийыште модельный книгагудым ышташ 75 млн утла теҥгем ойырат.
Нине пашам «Еш» нацпроект да «Единый Россий» партийын калык программыж почеш ыштат. Книгагудылаште у мебельым вераҥдат, нунылан электрон книга-влакым, оргтехникым да интерактивный оборудованийым налме. Поснак кугу тӱткыш начар тазалыкан еҥ-влаклан лиеш.
Библиотекылам кызыт ачалаш тӱҥалме. Нунын коклаште иктыже – Морко рӱдӧ книгагудо. Тушко 4000 утла еҥ коштеш. Уэмдымеке, икмыняр у зоно лиеш: молодёжный, «Морко вел» этнографий площадке, компьютер дене пашам ыштыме, дискуссийлан але тӱшка мероприятийлан да тыглай лудмо вер-влак, книга модын агентствыже, «Кугу перемене» интеллект-зал, еш унагудо.