Марий Элыште сайлымашым эскераш «Золотой стандарт наблюдателя» методике почеш 1200 утла еҥым туныктымо. Сайлымаш 18, 19, 20 сентябрьыште лиеш.
Тиде арнян республикыштына Россий Федераций Кугыжаныш Думыш депутат-влакым сайлымашке эскерыше-влакым ямдылыме семинар-влак пытеныт.
Сайлымашым эскерыше мер штабын преподавательже-влак Марий Элыште 21 семинарым эртареныт. Штабым вуйлатыше Евгений Кузнецовын мутшо почеш, туныктымо мероприятий-влак Йошкар-Олаштат, кундемнасе чыла муниципалитетлаштат лийыныт.
– Туныктымаш «Независимый общественный мониторинг» ассоциацийын ямдылыме «Золотой старндарт» методикыж почеш эрта, – каласен Евгений Кузнецов. Программыште – сайлымашын правовой негызшым тунеммаш, документаций паша, лийын кертше провокаций-влак годым шкем кузе кучымаш да мом ыштымаш. Семинарын участникше-влак эртыше кампанийла гыч практикысе пример-влакым лончыленыт.
Штаб вуйлатыше волонтёр-влаклан Марий Элысе Общественный палатын ты сайлымаште завистлыдыме эскерыше лияш ӱжмыжлан келшымыштлан тауштен.
Марий Элысе Мер эскерымаш штабын фотожо-влак.