Профессионал мастарлыкым тергыме республикысе тыгай конкурс 26 июньышто Советский район Калтаксола ял воктенысе пасушто эртаралтеш.
Призым налшаш верч республикысе ялозанлык предприятийла да кресаньык-фермер озанлыкла гыч механизатор-влак, тыгак профильный тунемме тӧнежласе студент-шамыч таҥасат. 35 ияш марте 8 участник моштымашыжым терга.
Конкурсышто теорийым палымым да практике могырым тергат, палдара Марий Элысе Ялозанлык да продовольствий министерстве.