Тений Российысе тунемше-влаклан аттестатым налаш руш йылме дене ЕГЭ-ште эн шагалже 24 баллым погыман, математике дене кумытан отметкылан шым балл сита.
ЕГЭ-ште эн изи баллым аттестатым налаш да вузлашке пураш посна палемдат. Физике, химий да биологий дене 36 балл лийшаш, профильный кӱкшытан математике дене – 27, информатике дене – 40, историй дене – 32, географий дене – 37, обществознаний дене – 42 балл, литератур дене – 32 да йот йылме дене – 22 балл. Но эн изи балл дене вузыш пураш нелырак, вет тусо конкурсым эртыман.