Марий Эл Республикын Кугыжаныш Погынжын Председательже Михаил Васютин, Курыкмарий районыш миен коштмекше, Эмӓн кыдалаш школышто лийын.
1 сентябрьыште тыште парт коклашке 134 йоча шинчеш, 30 туныктышо тырша.
Михаил Васютин класслам, актовый залым, кочмыверым ончалын. Школ тоштер келшен. Тудым 2024 ий ноябрьыште почмо. Тоштер «Прожектор» креативный лабораторий кышкарыште тӱвыра волонтер-влакын да Т.Евсеев лӱмеш Калыкле тоштерын пырля ямлыдыме проектышт, тыгак «Движение Первых» толкынын грант полышыж дене шочын. Михаил Васютин школын историйжылан, тудын чапланыше выпускникше-влаклан да спецоперацийын геройжо-шамычлан пӧлеклалтше экспозиций дене палыме лийын.
Школ директорын сомылжым шуктышо Елена Стариковалан да туныктышо-влаклан школын историйжым аралыме верч тыршымыштлан, школым у тунемме идалыклан сайын ямдылымыштлан тауштен да у сеҥымашым тыланен.