Шӱргӧ коваштым вӱдыжтарыше маскым мӧҥгыштат ышташ лиеш. Теве икмыняр рецепт.
- Мӱй дене
Пел изи совла мӱйым, тынарак нӧшмӱйым, ик муноптемым, 3-4 чӱчалтыш лимон сокым да ик кугу совла шӱльӧ ложашым иктеш варыман. Маскым шӱргыш йыгыман да 15 минут гыч леве вӱд дене мушкын колтыман.
- Кияр дене
Ик киярын сокшым, тынарак лайым, 3-4 чӱчалтыш нӧшмӱйым иктеш варыза. Вартышым шӱргыш йыгыза да 10-15 минут гыч леве вӱд дене мушкын колтыза.
- Кефир дене
1 муношым, 1 кугу совла мӱйым, 3 кугу совла кефирым иктеш варыза. Тыгай маскым шӱргыштӧ 25 минут кучыман да леве вӱд дене мушкын колтыман.
freepik сайт гыч налме фото.