РФ-н Общественный палатыжын членже-влакын палемдымышт почеш, Российыште СВО-што участвоватлымылан награде шотышто ситуаций нелемын.
Тӱрлӧ фонд, НКО, эсогыл посна еҥ-влак кугыжаныш орден ден медальла койшо награде-влакым ыштен луктыт. Тыгак маркетплейслаште чын наградын копийже-влакым налаш лиеш. Сандене кызыт шоя орден ден медаль-влакым сакален коштшо-влак ешаралтыныт. Ты проблемым кызытак решатлыман, палемдат Общественный палатыште. Тушто тидын шотышто посна пашаче группым ыштат да йодышлам каҥашаш тӱҥалыт.