Марий Элым Вуйлатыше Юрий Зайцевын кӱштымыж почеш Правительстве Председательын икымше алмаштышыже Дмитрий Троицкий Чодыра пашаеҥ-влакын кечыштлан пӧлеклалтше мероприятийыште лийын да награде-влакым кучыктен.
– Республикыштына чодырам аралыме системе уэмдалт толеш: пожарым ончылгоч пален налме, кожлам ондакысе состоянийышке кондымо паша ден пушеҥгым закондымын руымо ваштареш сомыл у семын шукталтыт. Тидыже профессионал-влклан сай лектышыш шуаш полша, а чодыра озанлыкыш шуко надыр пышталтеш, – каласен Дмитрий Троицкий.
Марий Элыште 2019 ий годсек «Сохранение лесов» федеральный проект шыҥдаралтеш. Ты жапыште 27,5 тӱжем гектар чодырам ондакысе состоянийышкыже кондымо.
Чодырам аралаш калыкат полша. Волонтёр-влак пушеҥгым шындыме, кожлам шӱкшак да кукшо пушеҥге деч эрыктыме акцийлашке ушнат.