Волжский округысо Приволжский посёлкышто йӱлаш пурышо «Чемпионын корныжо» шошымсо кросс 17-ше гана лийын. Таҥасымаш учёный-краевед, мер пашам чолган шуктышо Вячеслав Мартьяновын призше верч эртаралтын.
Ты кросс шукертак куштылго атлетикыш икымше ошкылым ыштыше лӱмлӧ спортсмен-влакын тӱҥ стартыштлан шотлалтеш. Вет кундемнан ятыр чапланыше атлетшылан, чынжымак, ты таҥасымаш кугу спортыш корным почын.
Таҥасымаш тӱҥалтыш класслаште тунемше ӱдыр-рвезе-шамычлан келыштаралтын. Йочасадыш коштшо да 1-2-шо класслаште тунемше-влак ик меҥгым, 3-4-шо класслаште шинчымашым погышо-шамыч кок меҥгым куржмаште вийыштым тергеныт.
Сеҥыше-влакым медаль, грамот да тӱрлӧ пӧлек дене палемденыт.