6-10 апрельыште Марий Элыште кӱкшӧ технологиян чемпионатын регионысо этапше эртаралтын.
Тений тудо транспортный отрасльлан пӧлеклалтын да «Молодёжь и дети» нацпроектын «Профессионалитет» федеральный проектше почеш эртен.
Ты таҥасымашлан Автодорожный техникумым (Медведево посёлко) ойырен налме. Вет 2025 ий 1 сентябрьыште тыште республикысе транспортный отрасльлан образовательно-производственный рӱдерым почмо.
Участник-влак шке мастарлыкыштым «Оператор дорожно-строительной техники с автопилотированием (каток)» компетенцийыште ончыктеныт. Заданий-влакым нуно специальный симуляторышто шуктеныт.