«Авангард» военно-патриотический рӱдерыште эртаралтше «Госстарт 2026» кугыжаныш да муниципальный самырык пашаеҥ-влаклан форумыш 100 наре еҥ чумырген.
Тушко кучем орган-влакын самырык пашаеҥышт деч посна ПГТУ-н управлений да право факультетшын студентше-шамыч, тыгак молодёжный кадровый резервын конкурсантше-влакат миеныт. Тыгак – РФ Президент пеленысе Российысе калык озанлык да кугыжаныш службо академийын студентше-шамыч.
Участник-шамычлан команде дене пашам ыштыме тӱрлӧ тренингым, мастер-классым эртареныт, лекцийым лудыныт. Самырык-влак ончылно кучем органласе вуйлатыше ден пашаеҥ-влак, вузласе педагог ден шанче пашаеҥ-влак выступатленыт. Спикер семын «Герои Марий Эл. Талешке-влак» регионысо кадровый программын участникше Павел Попов ушнен.