Эксперт-шамычын палемдымышт почеш, процент деч посна рассрочко дене сатулан тӱлаш темлымаш годым утларакше договорым тыглай кредит семын оформитленыт.
Тыге шоя йӧн дене сатум налше-влак деч оксам кӱрын луктыныт. Сандене тений 1 апрель гыч у правил вийым налеш. Ынде айдемылан сатун чумыр акшым да финанс шотышто йӧнжӧ-влакым ончыктышаш улыт. Вигак да рассрочко семын тӱлымаште ак тӱрлӧ лийшаш огыл. 1 апрель гыч процентдыме рассрочко куд тылзе шуйнышаш, а 2028 ий гыч – улыжат ныл тылзе.