1 март гыч Российыште автошкол-влак В категориян водитель-влаклан 38 шагат олмеш 42 шагат занятийым эртарышаш улыт.
C ден D категориян правам налаш, тыгак такси дене кудалышташ манын, еҥ-влак ынде таксопарк ден профильный транспортный предприятийлаштат тунем кертыт. Тунемме программат вашталтеш: ДТП годым икымше полышым пуымо курс уэмдалтеш, теорийыш у теме-влакым пуртымо, поснак электросамокат да моло мобильный средства дене пайдаланыше-влак шотышто правилым да молымат. Тыгак цифровой документым кучылтмо радам вестӱрлырак лиеш.