Марий Элысе техникум ден колледжласе студент-влак «Российысе студент шошо» всероссийский фестивальыште республикын чапшым араленыт.
Хабаровск олаште эртаралтше ты фестивальыш вич уста студент миен коштын. И.С.Палатай лӱмеш тӱвыра да сымыктыш колледжын студентше Алексей Сунгуров тушто I степенян лауреат лийын. «Политехник» кӱшыл колледжыште тунемше Анастасия Малинина II степенян лауреат лӱмым налын. «Калык йӱлам аралымылан» спецпризым И.С.Палатай лӱмеш тӱвыра да сымыктыш колледжын студенткыже Дарья Беловалан пуэныт.