31 майыште Москошто «Тумывий» марий калык куштымаш да мурымаш ансамбльын иктешлыше концертше лийын. Ансамбль «Марийских традиций серебряные нити: от предков к потомкам» программе почеш концертым ончыктен. Ты концерт Москошто илыше марий-влаклан шкешотан, кугу пайрем семын эртаралтын. Тудо калыкнан тӱвыра поянлыкше кеч-могай ийготан да национальностян еҥ-шамычым иквереш чумырымым пеҥгыдемден. Ансамбльым саламлаш Марий Эл Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов миен.