20-21 июньышто Йошкар-Олаште триатлон спортын «триатлон-спринт» дисциплиныж дене Российын чемпионатше лиеш. Тыгак «Красный город» республикысе таҥасымаш-влак эртаралтыт. Тушко элнан 20 регионжо гыч 400 наре участник толшаш.
Мероприятийым эртарыме шотышто организационный комитетын икымше заседанийже лийын. Тудым Марий Эл Правительствын алмаштышыже – тӱвыра, печать да калык-влакын пашашт шотышто министр Константин Иванов эртарен. Тушто таҥасымашлан ямдылалтме шотышто планым ыштеныт, тӱрлӧ йодышым каҥашеныт.
Марий Элысе Спорт министерствын сайтше гыч налме фото.