Марий Эл Республикысе Правительстве ден «Защитники Отечества» кугыжаныш фондын республикысе филиалже специальный военный операцийын ветеранже-влаклан диспансеризацийым ямдыленыт.
Тидыже черле улмо нерген ондакрак пален налаш да жапыштыже эмлалташ тӱҥалаш йӧным ышта манын палемден регионым Вуйлатыше Ю.Зайцев.
Марий Элыште 2025 ийыште, мутлан, 541 ветеран диспансеризацийым эртен гын, тений пелийыште – 484 ветеран. Тергалтмаш годым утларакшым тыгай чер-влак палдырнат:
- вӱр коштмо системе чер-влак (гипертоний, шӱмын ишемический черже, цереброваскулярный чер-влак);
- шӱлымӧ, кочкышым шулыктарыме органласе чер, тыгак – колмо да ужмо орган-влакын эмганымышт;
- сакыр диабет;
- осал пуалмаш чер-влак.
– Шерге изи-шольо-влак, жапым муын, шке тазалыкым тергаш ӱжам. Профилактике да чер нерген ондакак пален налме – ончыкыжым сай илышлан негыз, – манеш СВО ветеран-влакын республикысе ассоциацийыштын председательже, Патырлык орденын ныл гана кавалерже Роман Возняк.