Марий Элыште 2026 ийлан «Земский туныктышо» программым иктешленыт. Тений чылаже 10 квотым ойыреныт.
Республикыш Оренбург, Ростов областьла, Башкортостан ден Чуваший гыч педагог-влак толыт. Нуно Шернур, Кужэҥер округлаште, Медведево да моло районышто пашам ышташ тӱҥалыт.
Марий Элым Вуйлатыше Ю.Зайцевын палемдымыж почеш, самырык специалист-шамычлан селаште пашам ыштымылан 300 тӱжем теҥгем, ола шотан посёлкылаште туныктымылан 100 тӱжем теҥге ешартыш выплате регион деч тӱлалтеш.
2020 ий гыч Марий Элыште чылаже 85 вакансийым петырыме, программын кажне участникшылан 1 млн теҥге дене тӱлымӧ.