Российын геройжо, полковник Леонид Рыжовым уэш почмо Челябинскысе кӱшыл танковый командный училищын начальникшылан шогалтеныт.
Тидын нерген ТАСС «Союз танкистов России» всероссийский мер толкынысо ссылке дене палдара.
2007 ийыште шалатыме Челябинскысе кӱшыл танковый командный училищым ышташ документым 1 августланак ямдылат. Кӱштымашыш кидпалыжым Россий премьер Михаил Мишустин пыштен.
Леонид Рыжов – Марий Элысе Курыкмарий районышто шочын-кушкын. Тудо специальный военный операцийыште 2022 ий 24 февраль гычак участвоватлен. Тудын вуйлатымыж почеш 7-ше посна мотострелковый бригадын подразделенийже-влак ЛНР-ын коло утла илемжым, тыгак Рубежное, Северодонецк ола-шамычым да ЛНР-ын ик эн кугу олажым – Лисичанскым – утарыме.
Спецопераций тӱҥалме деч вара ЛНР-ын калык милицийын 2-шо армейский корпусшын 7-ше посна мотострелковый бригадыжын подразделенийже-влак Леонид Рыжовын вуйлатымыж почеш 4,3 тӱжем утла националистым, 21 танкым, 47 БТР-ым, 25 БМП-ым, 185 автомобиль техникым да тушманын 24 единице ПВО средствыжым пытареныт.