Марий Элым Вуйлатыше Юрий Зайцев спортышто сай лектышым ончыктышо, ойыртемалтше спортсмен-влаклан Марий Эл Вуйлатышын стипендийжым пуымо шотышто Пунчалыш кидпалжым шынден.
Тыгай стипендийым Всероссийский, тӱнямбал кӱкшытан соревнованийлаште ойыртемалтше атлет-влаклан кажне тылзын пуаш палемдыме. Тудын кугытшо 3 гыч 90 тӱжем теҥге марте лиеш. Стипендий таҥасымашын кугытшо да лектышын кӱкшытшӧ деч шогаш тӱҥалеш. Тудым кажне ийын февраль гыч идалык мучкылан палемдат.
Ю.Зайцевын палемдымыж почеш, ты стипендий спортсмен-влаклан полшаш келыштаралтын. Тудо «Спорт России» кугыжаныш программын ешартыш полышыжо семын тӱлалтеш.