1 март гыч такси нерген закон илышыш шыҥдаралтеш.
Ынде тудо Российысе заводышто погалтшаш веле огыл, тыгак тудын чыла технологийжым элыштына шуктыман: комплектующийже-влакым ыштен лукман, кузовым штамповатлыме, тулен левыктыме, чиялтыме, узел ден агрегат-влакым вераҥдыме паша-влакым Российыштак ыштыман. Реестрыш логалаш манын, локализацийлан машина кӱлеш баллым погышаш але 2022 ий 1 март гыч 2025 ий марте посна инвестконтракт почеш ыштен лукмо лийшаш. Ты закон почеш 2026 ий 1 март марте регионысо реестрыш пурышо автомобиль-влакым шотыш огыт нал.