Россий ФСИН-ын Марий Элысе управленийжым вуйлатыше Максим Каминский совещанийым эртарен. Ведомствысо воспитательный службо пашаеҥ-влак дене РФ Уголовно-исполнительный кодексын 175-ше статьяж (судитлыме еҥын УДО але наказанийым вашталтыме шотышто ходатайствыж нерген) дене кылдалтше йодыш-влакым ончымо годым законым шуктымо нерген мутлалненыт.
Вашлиймашке Марий Эл Республикысе Верховный суд председательын алмаштышыже Н.Ковальчук, республикысе прокурорын алмаштышыже А.Антипин, тыгак судитлыме-шамыч дене воспитатлыме пашам виктарыме учрежденийласе начальник-влакын алмаштышышт толыныт.
Совещанийыш толшо-шамыч судитлыме-влак дене законым шуктымо пӱсӧ йодышлам тарватеныт. Условно-досрочно лекме процедурлан, наказанийым «лушкыдемдымылан», исправительный тӧнежым весылан вашталтымылан кугу тӱткышым ойыреныт. Тыгодым судитлыме-шамычын титакыштым умылымым тергыме критерий-влакым посна каҥашеныт.
Марий Элысе УФСИН-ын пресс-службыжын фотожо.