Проект
«Россия – страна возможностей» Президентский платформын «Твой Ход» всероссийский студенческий проектше почеш Российыште студенческий выпускной эртаралтын.
Москошко чумыр эл гыч 500 самырык лидер миен. Тиде мероприятий выпускной йӱлам шукташ, выпускник-влакын шке вузышт да кундемышт дене кылым арален кодаш да тений Российыште калык-влакын икоян улмо идалыкыштым палемдыме годым молодёжный сообществым вияҥдаш виктаралтын.
Выпускной пайрем семын гына огыл, поян содержаниян лийын. Участник-влак шке сеҥымашыштым, университетлан, колледжлан, молодёжный средалан, шке кундемлан да эллан могай надырым пыштымыштым радамленыт да икте-весышт дене пырля Российын ончыкылык образшым чоҥеныт. 2026 ийысе выпускнойын слоганже – «Ончыкылыкын вий-куатше» – тиде событийын тӱҥ шонымашыжым почын пуа: Российын ончыкылыкшым студент-влак шке кызытак шочыктат.
Марий Эл гыч всероссийский студенческий выпускнойыш МарГУ гыч София Досманова ден Мария Панкова, ПГТУ гыч Дарья Кузовкова миен коштыныт.
Выпускнойышто образовательный программе темлалтын. Тушто студент-влакл практикыште элнам вияҥдымашке ушнымо йӧн нерген форсайт-сессийыште да моло вереат пален налыныт. Марий Эл гыч мийыше выпускнице-шамычат студент сообществын пашажым саемдаш, проект ден карьерный маршрут-влакым ышташ шонымашла дене пӧртылыныт.
Кокымшо кечын участник-шамыч VK-н, Сберын офислаштыже да РЖД-н паровоз депоштыжо, музей комплексыштыже кызытсе корпоративный верла, команде дене палыме лийыныт. Нунылан цифровой ден финанс пашаште йӧнлам да кызытсе жапыште ойыртемыштым умылтареныт.